Khayaal

“baithay baithay zehn key kisi anjaan koney sey, jo mera hisa hai mujhe maaloom bhi na tha, ye khayal aata hai ke mein hoon. ke mein nahin hoon nahin balkey mein hoon. key meray dost, meray waalid, meri ami, sub hain, sub nahin hain nahin balkey hain. yeh khayal kitna ajeeb hai,  jaisey aap kabhi 2 bajey khana khaaney baithey aur dekha kay ek ghantey baad bhi 2 hee baj rahe hain. lekin kabhi kisi zamane main aisa tha ke mein ‘honaa-abad’ mein nahin tha balkey ‘nahin-honaa-abad’ mein tha. woh shehr jo dunya key kisi naqshey mein nazar nahin aata. jahan loug barson sey abaad hain lekin koi jaanta hee nahin ek dusrey ko. yeh soch ke zehn dang reh jaata hai. ek paagal shakhs jab kuch dair key liye achanak se hosh mein ataa hai tou kuch lamhon ke liye hairaan rehta hai. aisey khayalaat sey khayaal kaisey rakha jaaye? jis din mera beta paida hua tha, mujhe yaad hai mein hispataal mein theatre ke baahir bechainee se idhar udhar chal raha tha, uss waqt bhi iss khayal ne zehn mein ghar karney ki koshish kee. doctor ne kuch dair baad itilaaa’ dee ke aap ka beta hua hai aur mein muskuraya. ‘nahin-honaa-abad’ se ek naya mehmaan aya hai. Khair, waja jo bhi ho, asar bara ajeeb hai aisey khayalaat ka. Maaf kijiye gaa kahan baaton mein phas gaye, batana yeh maqsood tha ke mein ek nayee kitab likh raha hun, uss ka naam ‘Silsila-e-Roz-o-Shab’ rakhney ka iraada hai. Ab tak jo kuch likh chuka hun iss khat ke saath bheje deta hun, parh ke bataiye ga!”

 

Aap ka apna

.

.

.

.

.

.

Advertisements

One thought on “Khayaal

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s